இவையெல்லாம் குழந்தைகளின் கண்களை பாதிக்கும்……. தெரிந்து கொள்ளுங்கள்

நாம் அன்றாடம் பயன்படுத்தும் சுண்ணாம்பு, வீட்டைச் சுத்தம் செய்ய பயன்படுத்தும் அமிலங்களே குழந்தைகளின் பார்வையை பறித்துவிடுகிறது என்கிறார்கள் மருத்துவர்கள். சிறு கவனமின்மை கூட குழந்தைகளின் பார்வைத்திறனை பறித்துவிடும் ஆபத்து இருக்கிறது என்று அவர்கள் எச்சரிக்கிறார்கள்.  5 வயதுக்குட்பட்ட குழந்தைகள் தான் ரசாயனங்களால் அதிகம் பாதிக்கப்படுன்றனர். அவர்கள்மீது பெற்றோர் அதிக கவனம் எடுத்துக்கொள்ள வேண்டும். குழந்தைகள் தனிமையில் இருக்கும் நேரங்களில்தான் அதிக பாதிப்பு ஏற்படும். உதாரணமாக ஏதேனும் திரவத்தை கண்களில் ஊற்றிக்கொள்வது, குச்சிகளைக் கண்களுக்குள் விட்டு விழித்திரையில் குத்திக்கொள்வது போன்ற செயல்களில் தனிமையான நேரங்களில்தாம் குழந்தைகள் செய்வார்கள்.

,சுண்ணாம்பு டாய்லெட்டை சுத்தம் செய்ய வைத்திருக்கும் அமிலங்கள், ப்ளீச்சிங் பவுடர், குளிர்பானங்கள் போன்றவற்றை எப்போதும் குழந்தைகளின் கைக்கெட்டாதவாறு வைக்கவேண்டும். இவற்றுள் மிகவும் ஆபத்தான பொருள் சுண்ணாம்புதான். காரணம், அதிலுள்ள ஆசிட் மற்றும் Alkali என்ற ரசாயனப்பொருள். கண்களின் விழித்திரையை பாதிக்கும். இத்தகைய நேரத்தில் உடனடியாகச் சிகிச்சை எடுக்காவிட்டால் அது பின்விளைவுகளை ஏற்படுத்தும். கண்களில் வறட்சி ஏற்படுவது, சிவந்து போவது, அரிப்பு ஏற்படுவது போன்றவை அழற்சிக்கான அறிகுறிகளாகும். இதனால் கருவிழிகள் கடுமையாகப் பாதிக்கப்படும்.

இதுபோன்றபாதிப்புகள் ஏற்படாமலிருக்க, கண்களில் ரசாயனம் பட்டவுடன் தொடர்ச்சியாக அரைமணி நேரம் கண்களை நன்றாகக் கழுவவேண்டும். முதல் 30 நிமிடங்களில் என்ன செய்கிறோம் என்பதுதான் பாதிப்பின் தன்மையைத் தீர்மானிக்கும். எனவே, கப் நிறையத் தண்ணீர் எடுத்து அதில் கண்களைத் திறந்தபடி வைத்து சுத்தம் செய்ய வேண்டும். குளிர்ந்த நீராக இருந்தால், நல்லது. இமையை முடிந்தவரை திறந்து கண்களுக்குள் நீர் செல்லும்படிச் செய்யவேண்டும்.  கண்களுக்குள் செல்லும் நீர், சுண்ணாம்புப் பவுடரை கரைத்து வெளியே தள்ளிவிடும். சுண்ணாம்பிலுள்ள பெரிய பகுதிகள் இமைகளுக்கு அடியில் தங்கிவிடும் என்பதால், அரைமணி நேரம் கண்களை சுத்தப்படுத்திய பிறகு மருத்துவரிடம் செல்லவேண்டும்.இவையெல்லாம் குழந்தைகளின் கண்களை பாதிக்கும்……. தெரிந்து கொள்ளுங்கள்