தமிழ் சினிமாவில் வில்லனாக அறிமுகமாகி, காமெடி நடிகராக அசத்தி வரும் மொட்டை ராஜேந்திரன் புதிய திரைப்படம் ஒன்றில் பாடகராக அறிமுகமாகவுள்ளார். பாலா இயக்கிய ‘நான் கடவுள்’ படத்தின் மூலம் வில்லனாக திரையுலகிற்கு அறிமுகமாகி தனி முத்திரை பதித்தவர் நடிகர் மொட்டை ராஜேந்திரன். அதைத் தொடர்ந்து ‘ராஜா ராணி’, ‘இதற்கு தானே ஆசைப்பட்டாய் பாலகுமாரா’, ’திருடன் போலீஸ்’, ‘டார்லிங்’, ‘தெறி’ போன்ற படங்களில் காமெடி கதாபாத்திரத்தில் நடித்தார்.
இதற்கு மக்களிடையே நல்ல வரவேற்பு கிடைத்ததால் காமெடி வேடங்களை மட்டும் ஏற்று நடித்து வருகிறார். இந்நிலையில், புதிய திரைப்படம் ஒன்றில் அவர் பாடகராக அறிமுகமாகவிருக்கிறார். இசையமைப்பாளர் ஸ்ரீநாத் இசையமைப்பில் உருவாகும் படத்தில் ஒரு பாடலை மொட்டை ராஜேந்திரன் பாடியுள்ளார். இந்த பாடல் அனைவரையும் கவரும் வகையில் அமைந்துள்ளதாக ஸ்ரீநாத் தெரிவித்துள்ளார்.
Discussion about this post