ராட்சசன் திரைப்படம் ஹாலிவுட்டில் ரீமேக்காக வாய்ப்புள்ளதாக தகவல்கள் தெரிவிக்கின்றன. ராம்குமார் இயக்கத்தில் விஷ்ணு விஷால், அமலாபால் ஆகியோர் நடிப்பில் வெளியாகியுள்ள படம் ராட்சசன். இந்த படம் பள்ளி பெண் குழந்தைகள் கடத்தப்பட்டு கொடூரமாக கொலை செய்யும் சைக்கோவை பற்றிய கதை. தொடர் கொலையை மையமாக வைத்து கிரைம், த்ரில்லர் படமாக வெளியாகி வெற்றிபெற்றுள்ளது. ஜிப்ரான் இசையமைக்க பிவி ஷங்கர் ஒளிப்பதிவு செய்துள்ளர். ஆக்சஸ் ஃபிலிம் ஃபேக்டரி – ஸ்கைலார்க் எண்டர்டெயின்மெண்ட் நிறுவனங்கள் இணைந்து ராட்சசன் படத்தை தயாரித்திருந்தன.
இந்நிலையில் ராட்சன் பட இசையமைப்பாளர் ஜிப்ரானிடம், உத்தம வில்லன் படத்தில் பணியற்றிய சர்வதேச கலைஞர் ஒருவர், ‘ராட்சசன்’ படத்தின் ஹாலிவுட்டில் ரீமேக் செய்வதற்கான உரிமையை பெறுவது குறித்து கேட்டதாக கூறியுள்ளார். அப்படி ராட்சசன் படத்தின் ஹாலிவுட் உரிமை கிடைக்கும் பட்சத்தில் ஹாலிவுட்டுக்கு ரீமேக் ஆகும் முதல் தமிழ்படம் என்ற வாய்ப்பை பெறும். ஏற்கனவே இப்படத்தின் இந்தி ரீமேக் உரிமையை விஷ்ணு விஷால் வாங்கியிருப்பது குறிப்பிடத்தக்கது.
Discussion about this post