ஷங்கர் இயக்கத்தில் ரஜினி நடித்த 2.0 படத்தின் பாடல் எப்படி?

பிரம்மாண்டத்திற்கு பெயர் போன ஷங்கர் இயக்கத்தில் ரஜினிகாந்த், அக்‌‌ஷய் குமார், எமி ஜாக்சன் நடிப்பில் உருவாகி வரும் படம் தான் 2.0.  எந்திரன் படத்தின் தொடர்ச்சியாக உருவாகியிருக்கும் இந்த படம் வரும் நவம்பர் 29ஆம் தேதி படம் வெளியாக உள்ளதாக அதிகாரபூர்வமாக அறிவிக்கப்பட்டுள்ளது.

தமிழ்நாடு மட்டுமின்றி, இந்தியாவே மிகப்பெரிய எதிர்பார்ப்பில் இருக்கும் இந்த படம் சுமார் 543 கோடி ரூபாய் பட்ஜெட்டில் உருவாகியுள்ளது. கடந்த சில வாரங்களுக்கு முன் வெளியிடப்பட்ட படத்தின் டீசர் மற்றும் மேக்கிங் வீடியோக்களுக்கு மக்களிடையே அமோக வரவேற்பு கிடைத்தது. இதனை தொடர்ந்து படத்தின் பாடல் வரிகள் அடங்கிய வீடியோவை படக்குழுவினர் வெளியிட்டுள்ளனர். ஆனால் அந்த பாடல் சுமாராக தான் உள்ளதாக ஒரு சிலர் கூற, மற்றவர்களோ ஏ.ஆர்.ரகுமான் கேட்க கேட்க தான் நல்லருக்கும் என கூறுகின்றனர்.