பிரிட்டனின் ஸ்காட்ச் விஸ்கி அதிகம் வாங்கும் நாடுகளின் பட்டியலில் இந்தியா முதலிடத்தில் உள்ளது. பிரிட்டனின் ஸ்காட்ச் விஸ்கி ஏற்றுமதி இந்தாண்டின் முதல் 6 மாதங்களில் மட்டும் 19 ஆயிரம் கோடி ரூபாய் அளவுக்கு நடைபெற்றுள்ளது. இது கடந்தாண்டு ஏற்றுமதியை காட்டிலும் 10.8 சதவீதம் அதிகமாகும்.
அந்நாட்டின் வரிவசூல் துறையான HMRD வெளியிட்ட தகவலின்படி இந்தாண்டு தேவை அதிகரித்ததன் காரணமாக இந்தியாவுக்கான ஸ்காட்ச் விஸ்கி ஏற்றுமதி 537 கோடி ரூபாய் அளவுக்கு அதிகரித்திருப்பதாக தெரிவிக்கப்பட்டுள்ளது. இந்தியாவுக்கு அடுத்த இடத்தில் ஸ்காட்ச் விஸ்கி சீனாவுக்கு அதிகம் ஏற்றுமதி செய்யப்படுகிறது. அந்நாட்டிற்கான ஏற்றுமதி 348 கோடி ரூபாய் அளவுக்கு அதிகரித்துள்ளது.
இந்தியாவில் மதுப்பிரியர்கள் அதிகளவில் உள்ளனர். அதனால் தான் இந்தியாவில் நாளுக்குநாள் மது விற்பனையாகும் எண்ணிக்கையும் அதிகரித்து வருகிறது. இந்நிலையில் தான் ஸ்காட்ச் விஸ்கி அதிகம் வாங்கும் நாடுகளின் பட்டியலை பிரிட்டன் வெளியிட்டது. இதில் இந்தியா முதலிடம் வகிப்பது குறிப்பிடத்தக்கது.
Discussion about this post