அஜித்தின் அடுத்த படம்…

விஸ்வாசம் படத்திற்குப் பிறகு அஜித் நடிக்க இருக்கும் புதிய படத்தின் படப்பிடிப்பு பிப்ரவரி மாதம் தொடங்க இருப்பதாக தகவல் வெளியாகியுள்ளது.

இயக்குநர் சிவா இயக்கத்தில் அஜித், நயன்தாரா நான்காவது முறையாக விஸ்வாசம் படத்தில் நடித்து வருகின்றனர். அஜித் இரு வேறு தோற்றங்களில்நடித்து வரும் இந்த படத்தின் படப்பிடிப்பு இறுதிக் கட்டத்தை எட்டியுள்ளது. ஒரு பாடல் காட்சிக்காக படக்குழு மும்பை சென்று படப்பிடிப்பை நடத்தி வருகிறது.

இந்நிலையில் மறைந்த ஸ்ரீதேவியின் கணவர் போனி கபூரின் தயாரிப்பில் அஜித் நடிக்க இருப்பதாக தகவல் வெளியாகியுள்ளது. ஹிந்தியில் வெளியாகி வெற்றிகரமாக ஓடிய பிங்க் திரைப்படத்தை தமிழில் ரீமேக் செய்ய உள்ளதாகவும் அதில் அஜித் நடிக்க இருப்பதாகவும் கூறப்படுகிறது.

இத்திரைப்படத்தை தீரன் அதிகாரம் ஒன்று திரைப்படத்தை இயக்கிய வினோத் இயக்க உள்ளார். இதுகுறித்த அதிகாரப்பூர்வ அறிவிப்பு விரைவில் வெளியாகம் என எதிர்பார்க்கப்படுகிறது.

விஸ்வாசம் திரைப்படம் பொங்கலுக்க வெளியாகும் என அறிவிக்கப்பட்டுள்ள நிலையில், பிப்ரவரி மாதம் வினோத்இயக்கும் படம் தொடங்கப்படலாம் எனத்தெரிகிறது.