உடல்நிலை சரியில்லாத நிலையிலும் கிளைமேக்சில் நடித்தார் ரஜினி  – இயக்குனர் ஷங்கர்

ஷங்கர் இயக்கத்தில் ரஜினிகாந்த், அக்‌‌ஷய் குமார், நடிப்பில் கிட்டதட்ட 600 கோடி ரூபாய் பட்ஜெட்டில் உருவாகி இருக்கும் படம் ‘2.0’. லைகா நிறுவனம் தயாரிக்க ஏ.ஆர்.ரகுமான் இசை அமைத்துள்ளார். ‘எந்திரன்’ படத்தின் இரண்டாம் பாகமாக 2.0 திரைப்படம் உருவாகி இருக்கிறது.   இந்த படத்தின் டிரைலர் வெளியீடு மற்றும் பத்திரிகையாளர் சந்திப்பு சென்னையில் நடைபெற்றது.  தமிழ், தெலுங்கு, இந்தி ஆகிய 3 மொழிகளில் டிரைலர் வெளியிடப்பட்டது. 2.0 படத்தில் வில்லனாக நடித்த நடிகர் அக்ஷய் குமார் இயக்குனர் சங்கர் மற்றும் நடிகர் ரஜினிக்கு பாராட்டு தெரிவிக்கப்பட்டது.  அப்போது பேசிய இயக்குனர் ஷங்கர், 2.0 திரைப்படத்தில் ரஜினிகாந்த், அக்ஷய் குமார் கடுமையாக உழைத்து நடித்தனர். உடல்நிலை சரியில்லாத நிலையிலும் கிளைமேக்சில் நடித்தார் ரஜினி என ஷங்கர் கூறினார்.