தீபாவளிக்கு வேண்டாமே பிளீஸ்! பிரபல சேனலிடம் திரிஷா வைத்திருக்கும் கோரிக்கை.

திரிஷா மற்றும் விஜய் சேதுபதி இணைந்து நடித்திருக்கும் “96” திரைப்படம் தமிழ் ரசிகர்கள் மத்தியில் பிரம்மாண்டமான வரவேற்பை பெற்றிருக்கிறது. ரிலீசாகி இத்தனை நாட்கள் ஆன பிறகும் கூட “96” திரைப்படத்தினை காண திரையரங்குகளில் நல்ல கூட்டம் காண படுகிறது. பள்ளிப்பருவ காதலை நினைவிற்கு கொண்டுவரும் இந்த படத்தினை இளைஞர்கள் , நடுத்தரவயதினர் என அனைத்து தரப்பினருமே ரசித்து பார்த்து வருகின்றனர்.

இந்நிலையில் இந்த ஆண்டு தீபாவளிக்கு பிரபல தொலைக்காட்சி சேனல் ஒன்றினில் இந்த திரைப்படம் ஒளிபரப்பாக இருக்கிறது. திரையரங்குகளில் 80 சதவீதக்கூட்டத்துடன் வெற்றிகரமாக ஓடிக்கொண்டிருக்கும் திரைப்படத்தினை அதற்குள்ளாக தொலைக்காட்சியில் ஒளிபரப்புவதை அறிந்து அதிர்ச்சி அடைந்த திரிஷா , பின்வருமாறு டிவிட்டர் பதிவினை வெளியிட்டிருக்கிறார்.

Its our 5th week and we still have an 80% occupancy in all theatres.We as a team feel its unfair to be premiering 96 this early. Its our request to push it to a Pongal viewing pls @SunTV Will be grateful #96thefilm #Ban96MoviePremierOnSunTv

— Trish Krish (@trishtrashers) November 3, 2018

அதில் “ 80 சதவீதம் கூட்டத்துடன் ”90” திரைப்படம் வெற்றிகரமாக திரையரங்குகளில் ஓடிக்கொண்டிருக்கிறது. அதனை தீபாவளிக்கு தொலைக்காட்சியில் ஒளிபரப்புவது சரியல்ல. அதற்கு பதிலாக பொங்கல் வரை பொறுமை காத்தால் நன்றாக இருக்கும்” என கேட்டிருக்கிறார் திரிஷா.