இயக்குநர் ஷங்கர் இயக்கத்தில் ரஜினிகாந்த் நடித்துள்ள 2.0 படம் ரிலீசுக்கு தயாராகி வருகிறது. இப்படத்தில் ரஜினிக்கு வில்லனாக அக்ஷய்குமாரும், ஹீரோயினாக எமி ஜாக்ஷனும் நடித்துள்ளனர். நீரவ் ஷா ஒளிப்பதிவு செய்துள்ள இந்தப் படத்துக்கு ஏ.ஆர்.ரஹ்மான் இசையமைத்துள்ளார். சுமார் 75 மில்லியன் டாலர் செலவில் உருவான இந்தப் படம் நவம்பர் 29-ம் தேதி திரைக்கு வரும் என்று அதிகாரப்பூர்வமாக அறிவிக்கப்பட்டுள்ளது.
முன்னதாக படத்தின் 2டி டீசர் யூடியூப் இணையதளத்திலும் , 3டி டீசர் திரையரங்குகளிலும் வெளியாகி இருந்தன. மேலும் படத்தின் மேக்கிங் வீடியோவையும் இணையதளத்தில் படக்குழுவினர் வெளியிட்டிருந்தனர். அதற்கு ரசிகர்கள் மத்தியில் நல்ல வரவேற்பு கிடைத்தது.இந்நிலையில் படத்தின் ட்ரெய்லர் நாளை 12 மணிக்கு வெளியாகும் என்று படத்தின் இயக்குநர் ஷங்கர் தனது ட்விட்டர் பக்கத்தில் பதிவிட்டுள்ளார்.
Discussion about this post