தமிழ் சினிமாவில் தற்போது நடிப்பிலும், பலர் மனதிலும் நீங்கா இடம் பிடித்தவர்தான் நடிகர் விஜய் சேதுபதி. அதுமட்டுமில்லாமல் பல கதாபாத்திரங்களில் வித்தியாசமாக நடித்து மக்களின் நல்ல வரவேற்பையும் பெற்றவர். அண்மையில் இவரது நடிப்பில் வெளியான 96 படம் விமர்சன ரீதியாக நல்ல வரவேற்பைப் பெற்றது. இப்படத்தைத் தொடர்ந்து வரிசையாக சீதக்காதி, சூப்பர் டீலக்ஸ், சாயீரா நரசிம்ம ரெட்டி, பேட்ட உள்பட பல படங்கள் வெளியாகயிருக்கிறது.
விஜய் சேதுபதி நடித்த சீதக்காதி திரைப்படம் அவருக்கு 25ஆவது திரைப்படமாகும். மேலும் அடுத்த மாதம் இவரது சீதக்காதி திரைப்படம் வெளியாக உள்ளது.சீதக்காதி திரைப்படத்தை பாலாஜி தரணிதரன் இயக்கியுள்ளார். இப்படத்தில் விஜய் சேதுபதி வயதான கதாபாத்திரமான 80 வயது நிரம்பிய பெரியவராக நடித்துள்ளார். 80 வயது நிரம்பிய பெரியவரின் கதாபாத்திரத்தின் பெயர் அய்யா ஆதிமூலம் என வெளியாகியுள்ளது. கண்டிப்பாக இக்கதாபாத்திரம் சிறப்பாக இருக்கும் என எதிர்ப்பார்க்கப்படுகிறது
சீதக்காதி திரைப்படத்தில், மகேந்திரன், பாரதிராஜா ஆகியோர் பலரும் முக்கிய ரோலில் நடித்துள்ளனர். மேலும், ரம்யா நம்பீசன், காயத்ரி, அர்ச்சனா, பார்வதி நாயர் ஆகியோர் பலரும் நடித்துள்ளனர். கோவிந்த் மேனன் இத்திரைப்படத்திற்கு இசையமைத்துள்ளார். இப்படம் வரும் டிசம்பர் 20ம் தேதி வெளியாக உள்ளது. இந்த நிலையில், இப்படத்தில் இடம்பெற்றுள்ள கதாபாத்திரங்களின் பெயர்கள் ஒவ்வொரு நாளும் மாலை 6 மணிக்கு வெளிவரும் என்று விஜய் சேதுபதியின் அதிகாரப்பூர்வ பக்கத்தில் தெரிவிக்கப்பட்டுள்ளது. இதன் முதல் கதாபாத்திரமாக விஜய் சேதுபதியின் 80 வயது நிரம்பிய பெரியவரின் கதாபாத்திரமான அய்யா ஆதிமூலம் என்ற கதாபாத்திரத்தில் பெயர் வெளியாகியுள்ளது.
Discussion about this post