ரஜினிகாந்த் நடிப்பில் விரைவில் திரைக்கு வர இருக்கும் 2.0 படத்தின் ரன்னிங் டைம் குறித்த தகவல் வெளியாகியுள்ளது. எந்திரன் படத்தை அடுத்து இயக்குநர் ஷங்கர் இயக்கத்தில் ரஜினிகாந்த், அக்ஷய்குமார், எமி ஜாக்ஷன் உள்ளிடோர் நடித்திருக்கும் படம் ‘2.0’. இந்தப் படம் சுமார் ரூ.600 கோடி பொருட்செலவில் முழுக்க 3டி தொழில்நுட்பத்தில் உருவாகியுள்ளது. ஏ.ஆர்.ரஹ்மான் இசையமைத்திருக்கும் இந்தப் படம் நவம்பர் 29-ம் தேதி திரைக்கு வர இருக்கிறது.
இதற்காக படத்தை விளம்பரப்படுத்தும் பணிகளில் படக்குழுவினர் மும்முரமாக ஈடுபட்டு வருகின்றனர். சமீபத்தில் வெளியான இந்தப் படத்தின் ட்ரெய்லர் மற்றும் மேக்கிங் வீடியோ ரசிகர்களிடையே நல்ல வரவேற்பை பெற்றுள்ளது. தமிழ், தெலுங்கு, இந்தி ஆகிய மூன்று மொழிகளில் வெளியாகும் இந்தப் படத்தின் ரன்னிங் டைம் குறித்த தகவல் தற்போது வெளியாகியுள்ளது. இந்தப் படம் 148 நிமிடங்கள் அதாவது 2 மணி நேரம் 28 நிமிடங்கள் ரன்னிங் டைம் கொண்டதாக அமைந்துள்ளது. முன்னதாக இந்தப் படத்துக்கு தணிக்கைக்குழு யூ/ஏ சான்றிதழ் அளித்திருந்ததும் குறிப்பிடத்தக்கது.
Discussion about this post